1. Телефоннинг асл эканини қандай текшириш мумкин?

Сиз телефон харид қилмоқчимисиз ёки харид қилинган телефонни оригинал эканини текшириб кўришга қарор қилдингизми? Текшириб кўришнинг босқичма-босқич алгоритмини диққат билан ўқиб чиқинг.

Биринчи навбатда ҳар бир мобил телефон дастурий таъминотда қайд этилган ўзининг такрорланмас IMEI-кодига эга эканини билиш зарур. Текшириб кўриш учун *#06# теринг – дисплейда IMEI-код пайдо бўлади. У телефон қутисидаги наклейкада кўрсатилган кодга ҳамда батарея остидаги телефон ичидаги наклейкадаги кодга мос келиши керак.

Телефоннинг ташқи кўринишига эътибор беринг, бироқ, бу дастлабки текширув эканини ёдда тутиш зарур.

Биринчидан, ташқи кўриниши Nokia расмий сайтида кўрсатилган намуналарга мос келадими? Кўпинча, сохта телефонлар дизайни оригинал телефонларникидан фарқ қилади. Сохта телефонларнинг сифатсиз терилгани ҳам яққол ташқи қусурларга эга бўлиши мумкин.

Иккинчидан, клавиатура ва меню. Ўзбекистонга расмий тарзда етказиб бериладиган деярли барча телефонлар кириллчада ва лотинчада бўлади, шунингдек рус тилига ўтиш имконияти назарда тутилади. Бироқ, сохта ва сертификатланмаган телефонлар ҳам русча менюга эга бўлиши мумкин.

Nokia’нинг оригинал *оқ* телефонида нима БЎЛМАСЛИГИ керак:

1. Хорижий тил ҳарфларига эга клавиатуралар (инглиз тилидан ташқари);
2. Телефон менюсидаги тиллар бўлимида – Европа мамлакатларига кирмайдиган тиллар (мас. араб, иврит, хитой ва ҳоказо);
3. Корпусда ишлаб чиқарувчи логотипидан ташқари алоқа оператори логотипининг бўлиши (мас. Vodafone, Verizon, Orange, T-mobile ва ҳоказо);
4. Ёқилганда заставкада оператор рекламаси ёки логотипининг бўлиши.

Учинчидан, телефоннинг рус тилидаги кўрсатмалари бор эканига эътибор бериш керак.

Nokia корпорацияси шунингдек телефонларнинг авторлаштирилган нуқталарда харид қилиниши хавфсизлигингизни таъминлашига эътиборингизни қаратади. Сохта батареяли сертификатланмаган телефоннинг харид қилиниши саломатлигингизга путур етказиши мумкин.

Nokia корпорацияси фойдаланувчилар фақат сертификатланган телефонни харид қилишларидан жуда манфаатдордир, бу эса телефонларнинг узоқ ва сифатли ишлашини, қулайлик ва кафолатли сервисни таъминлабгина қолмай, балки фойдаланувчилар хавфсизлигини кафолатлайди.

2. Янги Nokia телефонлари сотувга қўйилганини қандай билиш мумкин?
Nokia маҳсулотлари ҳақидаги энг аниқ ахборотни маҳаллий авторлаштирилган Nokia чакана савдо нуқталаридан олишингиз мумкин.
Дўконлар бўлимида энг яқин чакана савдо нуқталарини топиш мумкин.

3. Қаерда Nokia маҳсулотлари нархлари ҳақида ахборот топиш мумкин?
Маҳаллий авторлаштирилган Nokia чакана савдо нуқталарида нархлар ҳақида ахборотлар олишингиз мумкин.
Дўконлар бўлимида энг яқин чакана савдо нуқталарини топиш мумкин.

4. Менинг Nokia телефонимга қайси аксессуарлар (гарнитуралар, батареялар ва ҳкз.) мос келади?
Телефонингизга мос келадиган аксессуарлар рўйхатини моделингизга бағишланган интернет-саҳифаларидан олишингиз мумкин.
Аксессуарлар бўлимида телефонингиз моделини танланг.
Телефон ичидаги наклейкада телефонингиз модели қайд этилган. Мисолни кўринг.

5. Менинг Nokia телефонимга қайси автомобил комплектлари мос келади?
Телефонингизга мос келадиган автомобил комплектлари рўйхатини моделингизга бағишланган интернет-саҳифаларидан олишингиз мумкин.
Аксессуарлар бўлимида телефонингиз моделини танланг.
Телефон ичидаги наклейкада телефонингиз модели қайд этилган. Мисолни кўринг.