Представляем новый флагман – Nokia N9Фақат сенсор орқали бошқариладиган ва “варақловчи” (swipe) технологияли жаҳондаги биринчи смартфон

Москва – Nokia компанияси жуда кўркам ва энг янги технологияларни ўзида мужассам этган янги Nokia N9 моделини намойиш этди. Nokia N9 моделининг ноёб жиҳати шундаки, уни фақат қўл теккизиб бошқариш мумкин – олд панелида бирорта ҳам тугма йўқ. Вароқловчи интуитив технология иловаларни ҳудди китоб саҳифаларини варақлагандек бармоқ орқали очиб-ёпиш имконини беради. http://swipe.nokia.com сайтида ушбу технологияни ишлатиш нақадар осонлигини кўриш мумкин.

Nokia N9 моделида мулоқот, иловалар билан ишлаш ва вазифаларнинг кўплиги каби смартфоннинг барча муҳим функциялари идеал тарзда ишлаб чиқилган. У аудио ва навигация соҳасидаги энг янги ускуналар, шунингдек сифатли камера билан жиҳозланган. Nokia N9 моделининг муҳим хусусиятлари ҳақида:

  • Интерфейс: Экранда клавиатура ва меню тугмаларининг йўқлиги экран ойнасида учиб юрувчи иконкаларни босиб, бевосита контентдан фойдаланиш имконини беради. Иш столининг уч хил кўриниши фойдаланувчига керак бўлган нарсадан тезда фойдаланиш имконини беради ва бу смартфонларнинг анъанавий дизайнига хос бўлган чалкашликнинг олдини олади. Иловалар билан ишлашни тамомлаганингиз заҳоти уни варақланг ва у экрандан йўқолади.
  • Дисплей ва материаллар: Nokia N9 моделининг тугмаларсиз олд томони катта дипслейнинг тўлиқ салоҳиятидан фойдаланиш имконини беради. 3,9-дюймли AMOLED-экран синмайдиган қавариқ шишалардан тайёрланган бўлиб, контент билан осон ишлаш имконини беради. Nokia N9 корпуси бугун мавжуд бўлган энг мукаммал поликарбонат материаллардан тайёрланган, кўпчилик бошқа смартфонларга қараганада яхшироқ алоқани таъминлайди. Бу эса сигнал яхшироқ бўлишини, алоқа сифатлироқ бўлишини англатади.
  • Тасвир, хариталар ва мультимедиа: 8 мегапикселли Carl Zeiss камера қоронғи жойда ҳам суратнинг юксак сифатини таъминлайди, бу эса бугунги кунда камерофонлар орасида Nokia N9 модели энг яхши смартфон эканини англатади. 16:9 реал форматида видео кўриш мумкин. Nokia N9 Dolby Digital Plus кодланадиган ва Dolby Headphone технологияли жаҳондаги биринчи телефон бўлгани сабабли унда исталган эшитгич ёдамида овозларни сифатлироқ эшитиш мумкин. Nokia N9 моделининг Maps иловасида пиёда саёҳат қилиш учун мўлжалланган навигация функцияси мавжуд, унда овозли кўрсатма ҳам назарда тутилган. Янги Drive иловаси туфайли рулга ўтириш ва Maps иловасини ёқмай туриб, белгиланган жойгача масофани ҳисоблаб чиқиш мумкин.
  • NFC: Симсиз алоқа соҳасидаги энг сўнгги технологиялар (NFC яқин алоқа стандарти) билан жиҳозланган. Nokia N9 модели мосламалар ўртасида тасвирлар ва видеоларни осон алмашиш имконини беради. Унга Bluetooth-аксессуарлари ва NFS технологияли Nokia Play 360° Wireless Speaker симсиз колонкалар уланса, овозларни қўл теккизиб эшитиш мумкин.

Nokia N9 қора (black), тўқ қизил (magenta) ва ҳаворангда (cyan) ишлаб чиқилган. Модел шу йили ички хотираси 16 Гб ва 64 Гб вариантларида сотувда пайдо бўлади.

Nokia ҳақида
Биз инсонларни бирлаштириш Nokia’нинг миссияси деб ҳисоблаймиз. Биз шахсий сервислар билан бирга илғор технологияларни таклиф этамиз, улар туфайли инсонлар ўзлари учун муҳим бўлган одамларга яқинроқ бўлади. Ҳар куни 1,3 миллиарддан ортиқ киши оддий телефонлардан тортиб, то замонавий смартфон ва мобил компьютерлардан иборат Nokia компанияси мосламалари ёрдамида бир-бирлари билан алоқада бўладилар. Бугун Nokia компанияси Ovi (www.ovi.com) воситасида ўз мосламаларига инновацион сервисларни, шу жумладан мусиқа, харита, қўлланмалар, электрон почталарни қўшмоқда. Nokia’нинг бўлими ҳисобланган NAVTEQ компанияси комплекс рақамли картография ва навигацион сервислар соҳасида етакчи ҳисобланади, Nokia Siemens Networks компанияси эса бутун дунё бўйлаб алоқа тармоқлари учун ускуна ва ечимлар етказиб беради.

Қўшимча ахборот:
Виктория Еремина — Nokia корпорациясининг Евросиёдаги (Россия, Украина, МДҲ жануби, Туркия) жамоатчилик билан алоқалар бўлими директори

Андрей Орлов — Nokia корпорациясининг Евросиёдаги (Россия, Украина, МДҲ жануби, Туркия) жамоатчилик билан алоқалар бўлими менежери

Тел.:+ 7 (495) 795-05-00, факс: 795-05-09
nokiarussia@nokia.com
www.nokia.ru

Ахборот кўмаги
Агентство АГТ-Казахстан:
Тел.: +7 (727) 316 32 78

Амина Кудабаева
a.konurbaeva@agt-agency.ru  

Анар Сембинова
a.sembinova@agt-agency.ru

 « Prev  |  Next »